Հայ նշանաւոր գրագէտ Զապէլ Եսայեանի ծննդեան 130-ամեակի նշում
Սուրիոյ Հայաշատ քաղաք Հալէպի մէջ,
Հալէպի Հայ Կաթողիկէ Ս Խաչ եկեղեցւոյ՝ ՜՜Արարատեան՝՝ սրահին մէջ , հովանաւորութեամբ
Բերիոյ թեմի կաթողիկէ հայոց առաջնորդ Արհի. Պետրոս արք. Միրիաթեանի եւ կազմակերպութեամբ
՜՜Ազգային Մշակութային Միութեան՝՝ տեղի ունեցած է հայ նշանաւոր արձակագիր եւ հրապարակագիր՝
Զապէլ Եսայեանի ծննդեան 130-ամեակին նուիրուած դասախօսական երեկոյ մը։
Օրուան
բանախօսն էր Լիբանանէն յատկապէս հրաւիրուած հրապարակագիր , խմբագիր ու ծանօթ մտաւորական
Պարոյր Աղպաշեանը որ վեր առած է Եսայեանի արժէքները ըլլայ որպէս գրագիտուհի եւ ըլլայ
որպէս հայ ու կին...։
Նախքան բանախօսութիւնը՝ գործադրուած է գեղարուեստական
կոկիկ յայտագիր մը որուն ընթացքին Ռուզան Պարսումեան դաշնակի վրայ նուագած է Բարսեղ
Կանաչեանէն՝ Օրօրը եւ Առնօ Պապաջանեանէն՝ Մեղեդին ու Էլէկիան։ Ապա Թամար Խապայեան կարդացած
է Զապէլ Եսայեանի ՜՜Աւերակներու մէջ՝՝ երկէն ՜՜Պատարագը՝՝ հատուածը։
Երեկոյի
աւարտին բեմ հրաւիրուած է Արհի. Պետրոս Արք Միրիաթեան, որ բարձր գնահատած է ՜՜ Ազգային
մշակութային միութեան կատարած աշխատանքը՝ հայ մշակոյթի պահպանման ի խնդիր։ Ապա շնորհաւորած
է օրուան բանախօսը ու պատուած զայն յատուկ յուշամետալով մը՝՝ Հուսկ Գերապայծառը իր
խօսքը եզրափակած է ըսելով ՜՜Ազգ մը, որ գիտէ գնահատել իր անցեալի փառքերն ու արժանիքները,
անտարակոյս անմահ կը մնայ՝՝։
Յունաստան- Արուեստագէտ Գագիկ Ալթունեանի
ստեղծագործութիւններու ցուցահանդէս Աթէնքի մէջ
Յունաստանի մօտ ՀՀ դեսպանութեան
շէնքէն ներս 13 Մայիսին, բացումը կատարուած է գեղանկարիչ-քանդակագործ Գագիկ Ալթունեանի
ստեղծագործութիւններու ցուցահանդէսին որ պիտի տեւէ մինչեւ 22 Մայիս ։
Սոյն ցուցահանդէսը
կը պարունակէ ծանօթ արուեստագէտին՝ Գագիկ Ալթունեանին վերջին տարիներու աշխատանքները
եւ նուիրուած է հայ ժողովուրդի մայիսեան փառապանծ յաղթանակներուն։
Լեռնային
Ղարաբաղի քարտէսը Թեհրանի գրքի միջազգային տաղաւարին։
Թեհրանի գիրքի միջազգային
22-րդ ցուցահանդէսին այս տարի եւս մասնակցած է Իրանի մէջ Հայաստանի դեսպանատունը ։ Ազրպէյճանի
դեսպանատան ներկայացուցիչները ՜՜Հայկական Տաղաւար՝՝ այցելած են եւ նշմարած՝ Լեռնային
Ղարաբաղի քարտէսը, եւ դեսպանը պահանջած է վերցնել Հայաստանի Հանրապետութեան եւ Լեռնային
Ղարաբաղի Հանրապետութեան քարտէսը, սակայն հայկական տաղաւարի ներկայացուցիչները դիմելով
ցուցահանդէսի կազմակերպիչներուն ստացած են դրական պատասխան, որ է ՜՜ քարտէսը պէտք է
մնայ իր տեղը՝՝ ըսած է Իրանի մէջ Հայաստանի դեսպան Կարէն Նազարեան Ալիք օրաթերթին տուած
հարցազրոյցին մէջ։