Benedikti XVI presidentit Abaz: Selia e Shenjtë mbështet të drejtat e palestinezëve.
Të rinjve: larg tundimit të terrorizmit!
(13.05.2009 RV)Sot paradite Papa
u prit në Betlehem, në Territoret Palestineze, nga presidenti i Autoritetit Palestinez,
Mahmud Abaz. Ceremonia e mirëseardhjes u mbajt në Sheshin përballë Pallatit presidencial.
Mbas ekzekutimit të himneve, presidenti Abaz e përshëndeti Papën dhe e falënderoi
për vizitën. Foli, më pas, për vuajtjet e popullit palestinez e, sidomos, për faktin
se në këto troje ndërtohen mure, e jo ura. Denoncoi kështu praninë e murit, që rrethon
Jeruzalemin e i pengon bijtë e Cisjordanisë të shkojnë për t’u lutur tek Varri Shenjt
e tek Xhamia Al-Aksa, duke sanksionuar aneksimin izraelit të Jeruzalemit arab. Por
Jeruzalemi arab – shtoi presidenti Abaz – është kryeqyteti i përjetshëm i Palestinës.
Palestinezët detyrohen të emigrojnë, shtëpitë e tyre bëhen rrafsh me tokën, trojet
konfiskohen. Kushte këto, që na ngarkojnë me përgjegjësi, që kërkojnë të punojmë për
krijimin e dy shteteve sovrane, Izraelit e Palestinës, të cilët duhet të jetojnë në
paqe e stabilitet njëri pranë tjetrit. Presidenti palestinez kërkoi edhe zgjidhjen
e problemit të refugjatëve, duke respektuar vendimet e OKB-së. Vuri, më pas, theksin,
mbi tragjedinë e Gazës: jemi për paqen – theksoi presidenti Abaz – e vijojmë të shpresojmë
në një të nesërme, kur nuk do të ketë më as pushtim, as post-blloqe, as të burgosur
e as refugjatë, por bashkëjetesë paqësore e mirëqenie. Papa iu përgjigj duke pohuar
se Selia e Shenjtë mbështet të drejtën e popullit palestinez për të pasur një atdhe
sovran në trojet e të parëve, që jeton në siguri e në paqe me fqinjët, brenda kufijve
të njohur ndërkombëtarisht. “Even if at present that goal seems far from
being realized… Ndonëse sot realizimi i këtij qëllimi duket i largët
– tha Papa – unë ju inkurajoj ju e të gjithë popullin tuaj, ta mbani ndezur pishtarin
e shpresës, pishtar që mund të ndihmojë për të gjetur udhën e takimit të aspiratave
të ligjshme si të izraelitëve, ashtu edhe të palestinezëve për paqe e stabilitet”. Më
pas Benedikti XVI kujtoi fjalët e Papës Gjon Pali II, për të ripohuar me forcë se: ..there
can be “no peace without justice, no justice without forgiveness”. “Nuk
mund të ketë paqe, pa drejtësi, as drejtësi, pa falje”(Mesazhi për Ditën
e Paqes 2002). E më pas shtoi: “…do not allow the loss of life and
the destruction that you have witnessed… Mos lejoni që humbjet e
jetëve e shkatërrimi që pësuat, t’i mbushin zemrat tuaja me helm e me mllef. Kini
guximin t’i bëni ballë çdo tundimi, që mund t’ju shtyjë drejt akteve të dhunës e të
terrorizmit”.