Папа Бэнэдыкт 16 пакінуў Ярданію. Разьвітальная цырымонія на лётнішчы ў Аммане
У панядзелак раніцай 11-га мая Сьвяцейшы Айцец прыбыў на лётнішча іменем Каралевы
Аліі. Тут адбылася цырымонія разьвітаньня з Ярданіяй. Першым прамаўляў Манарх Ярданіі
Абдуляг ІІ. Ён пералічыў этапы знаходжаньня Папы ў сваёй краіне: Амман, Гару Нэбо,
Мадабу і Бэтанію за Ярданам. “Працягвайма дыялог, які мы пачалі ў гэтых днях. Пераадолівайма
падзелы і збудуйма лепшы сьвет”- сказаў кароль. Успомніў таксама ахвяры ізраільска-палестынскага
канфлікту. Падкрэсьліў, што Палестынцы маюць права да сваей дзяржавы а Ізраільцяяне
да бясьпекі і выказаў надзею, што візыт Папы прычыніцца да міру на Блізкім Усходзе”.
Папа Бэнэдыкт 16 ў сваёй прамове падзякаваў дзяржаўным і касьцельным уладам Ярданіі
за вельмі цёплы прыём і зрабіў заклік за яе жыхароў пра зьберажэньне вернасьці духу
талерантнасьці і міжрэлігійнага дыялогу, так знамянальнага для гэтага каралеўства.
Заахвоціў “усіх жыхароў Ярданіі, як хрысьціян так і мусульманаў, да будаваньня на
моцных фундамантах рэлігійнае талерантнасьці, якая робіць членаў розных супольнасьцей
да жыцьця разам у міры і ўзаемнай пашане”. Прыпомніў, што кароль Абдулляг ІІ “быў
асабліва дзейным у падтрымліваньні міжрэлігійнага дыялогу” і падкрэсьліў, што вельмі
дацэнтвае ягонае стаўленьне ў гэтым.