Vatikan: nesër betimi i 32 rojeve të reja zvicerane.

(5.5.2009 RV)Tridhjete e dy roje zvicerane të rekrutuara në 12 muajt e fundit në ushtrinë papnore do të bëjnë nesër betimin e tyre në Vatikan, në oborrin e Shën Damazit, gjatë ceremonisë solemne që përsëritet më 6 maj të çdo viti në përkujtim të Plaçkitjes së Romës më 1527 nga ana e Lancikenekeve dhe flijimit heroik të 147 ushtarëve në mbrojtje të Papës.
Në ceremoninë e nesërme do të jetë komandanti i përgjithshëm i armës, Daniel Rudolfo Anrig e natyrisht rekrutët me familjet e tyre. Cerimonia do të zhvillohet sipas një tradite të lashtë gati 500 vjeçare. Në ora 7 takimi i parë i ditës: pjesëmarrja në Meshë të cilën do ta kryesojë Sekretari i Shtetit të Vatikanit, kardinali Tarçizio Bertone. Në ora 8.30 zëvendës sekretari i Shtetit të vatikanit, Imzot Fernando Filoni, do të përkujtojë dëshmorët në oborrin e nderit në lagjen zvicerane e do t'i dorëzojë dekoratat disa anëtarëve të rojave Zvicërane. Në ora 17.00 do bëhet betimi në praninë, mes tjerëve, të komandantit të ri të trupit të rojeve zvicerane, Andre' Blattmann.