Напярэдадні падарожжа Папы Бенедыкта 16 у Святую Зямлю прэсавы сакратар Яго Святасці
айцец Федэріко Ламбардзі выступіў перад журналістамі з прэзентацыяй праграмы візіту.
"Cмелую надзею і давер - вось што сведчыць такая трывалая заангажаванасць несці
мір ...нават у так цяжкай сітуацыі!" - вызначыў ён. Падарожжа распачынаецца 8 мая.
За тыдзень Папа наведае Йярданію, Ізраіль і Палестынскія тэрыторыі. Айцец Ламбардзі
акрэсліў няпростае сучаснае становішча, калі яшчэ свежыя раны нядаўняга канфлікту
ў сэктары Газа, трываючага напружання між Хамазам і іншымі палестынскімі структурамі,
і ўсё пры тым, што ў Ізраілі зусім новы ўрад. Гэта станецца пілігрымкаю Папы дзеля
перамір'я між усімі народамі, нясеннем падтрымкі хрысціянам Святой Зямлі. На пытанне
аб магчымасці сустрэчы Бенедыкта 16 з іракскімі уцекачамі, прэссакратар адказаў,
што па праграме гэта пакуль не прадугледжана, але магчымаю будзе сустрэча з іхнымі
прадстаўнікамі. У часе візіту на мемарыял Яд Вашэм будзе там сустрэча Папы з 6-ю
сведкамі Галакосту , якія выжылі. 13 мая ў Бетлееме адбудзецца сустрэча з палестынскай
дэлегацыяй з зоны Газа , у той жа дзень - з прадстаўнікамі Вэст Банка. Усе прамовы
Папа будзе казаць па-англійску, у той час як Ерусалімскія рабіны будуць гаварыць
па-яўрэйску. Папа намерваецца падыйсці маліцца да Сцяны плачу (рэшткаў Ерусаліскага
храму) і пакінуць там сваё пасланне, так, як гэта зрабіў Папа Ян Павел 2 у 2000 годзе.
Адказваючы на пытанні аб палітычным баку візіту, айцец Федэріко Ламбардзі сказаў,
што прадугледжваюцца сустрэчы Папы Бенедыкта 16 з каралём Йярданіі, прэзідэнтам
і прэм'ер-міністрам Ізраіля, палестынскім прэзідэнтам, лідэрамі і вернікамі 7-мі каталіцкіх
абрадаў і іншых хрысціянскіх канфесій, рэлігійнымі правадырамі юдаізма і ісламізма.
Прэссакратар прыгадаў у гэтым кантэксце словы самога Папы наконт хуткага падарожжа,
што яно "не можа не мець відавочнай важнасці - экуменічнай і міжрэлігійнай".