Багародзічная малітва вялікоднага пэрыяду "Каралева Неба" ў нядзелю 3-га мая
Да сьвятарскіх сьвядчынаў спаслаўся Папа Бэнэдыкт 16 ў часе паўднёвае сустрэчы з
вернікамі. Адгаворваючы марыйную малітву вялікоднага пэрыяду Сьвяцейшы Айцец прыпомніў
ім, што гэтая ўрачыстасьць ўпісваецца ў нядзелю малітваў за пакліканьні, якая сёлета
праходзіць пад лозунгам: “Давер у абліччы ініцыятывы Бога і адказ чалавека”. Як паясьніў
Папа, справа тут ідзе пра паўсюднае пакліканьне да сьвятасьці, якая ажыцьцяўляецца
ў розныя спосабы, таксама ў сьвятарстве і пасьвячаным жыцьці. Нашым адказам на гэты
Божы заклік ёсьць малітва. Сьвяцейшы Айцец даручыў турбоце вернікаў сваю найбліжэйшую
пілігрымку: Маім візітам намерваюся
патрымаць і дадаць бадзёрасьці хрысьціянам Сьвятой Зямлі, якія штодзённа мусяць змагацца
са шматлікімі цяжкасьцямі. Як наступнік Апостала Пятра жадаю- сказаў Бэнэдыкт 16-
каб яны адчулі блізкасьць і падтрымку ўсяго Касьцёла. Пры гэтым жадаю быць пілігрымам
міру ў імя адзінага Бога, які ёсьць Айцом усіх. Дам сьведчаньне аб заангажаваньні
Каталіцкага Касьцёла ў карысьць тых, якія ажыцьцяўляюць дыялог і прымірэньне, каб
асягнуць трывалы мір у справядлівасьці і ўзаемнай пашане. Урэшце, гэтае падарожжа
мае істотнае экумэнічнае і міжрэлігійнае значэньне. У гэтым кантэксьце Ерусалім зьяўляецца
асаблівым горадам-сымбалям: гэта там Хрыстос аддаў жыцьцё, каб усіх Божых дзяцей сабраць
у адно”. На заканчэньне Папа дадаў, што пажаданьнем міру і еднасьці акружае не
толькі Сьвятую Зямлю, але таксама цэлы Блізкі Усход і ўвесь сьвет.