Агульная аўдыенцыя Сьвяцейшага Айца ў сераду 29-га красавіка

Адбылася яна на Плошчы Сьвятога Пятра. Прыбыло на яе многа вернікаў і паломнікаў з кожнага кутку сьвету.
У сваёй сёньняшняй катахэзе Сьвяцейшы Айцец пазнаёміў вернікаў з постацю Германа, Патрыярха Канстантынопаля. У 8-м стагоддзі ён меў вялікую ролю ў часе так званага іканаборства. Калі імпэратар Лявон ІІІ і ягоныя паплечнікі намагаліся правесьці рэформу дзяржавы- сказаў Папа ў часе сёньняшняе аўдыенцыі- пачынаючы ад забароны хрысьціянскага культу абраза ды сьвятых іконаў, якія прызнавалі за ідалапаклонства, Герман рашуча гэтаму супрацьставіўся. На ягонае стаўленьне мела ўплыў асабістае дасьведчаньне.

У часе аблогі Канстантынопаля Арабамі на пераломе 717-718 гадоў Герман зарганізаваў ўрачыстую працэсыю, ў часе якой несена ікону Божай Маці і рэліквіі Сьвятога Крыжа. Канстантынопаль не быў пераможаны і Патрыярх прызнаў гэты факт за доказ Божага адабрэньня для пабожнасьці народу.
Герман быў славутым з прычыны турботы пра Літургію- сказаў на заканчэньне аўдыенцыі Бэнэдыкт 16. Як прамоўца і пісьменнік меў вялікі ўплыў на разьвіцьцё ўсходняй марыйнай тэалогіі.
На заканчэньне аўдыенцыі Папа прывітаў ўсіх вернікаў, асабліва хворых, моладзь ды новыя шлюбныя пары надзяляючы на ўсіх сваё Апостальскае Блаславенства