Камунікат Прэсавага Бюро Апостальскай Сталіцы аб сустрэчы Папы Бэнэдыкта 16 з Прэзыдэнтам
Лукашэнкам.
Там пішацца наступнае: “Сёньня, ў панядзелак 27-га красавіка 2009-га году, Яго Сьвятасьць
Папа Бнэнэдыкт 16 прыняў на аўдыенцыі спадара Аляксандра Лукашэнку, Прэзыдэнта Рэспублікі
Беларусь. Затым спадар Прэзыдэнт, суправаджаны Міністрам Замежных Спраў, спадаром
Сяргеям Мартынавым, меў сустрэчу з Яго Эмінэнцыяю кардыналам Тарчыцыё Бэртонэ, Сакратаром
Стану ды Яго Эксэлленцыяю Домінікам Мамбэрті, Сакратаром па Адносінах з Дзяржавамі. У
часе размовы, якая адбылася ў вельмі добрым клімаце, былі абмеркаваныя праблемы,
якія тычыліся адносін паміж вераю і розумам, міжканфэсійным і міжкультурным дыялогам.
Апрача таго былі абмеркаваныя тэмы аб міжнародным характары адносна павышэньня міру
і сапраўднага праграсу чалавецтва, як таксама некаторыя ўнутраныя праблемы Краіны,
абмеркавана аргуманты, якія тычацца Каталіцкага Касьцёла Беларусі ды пэрспэктывы паглыбленьня
супрацоўніцтва паміж двума Бакамі. У канцы было падкрэслена мірнае сужыцьцё, якое
характэрнае адносінам паміж каталіцкаю і праваслаўнаю супольнасьцямі, а таксама з
іншымі рэлігійнымі веравызнаньнямі.