(25.04.2009 RV)Të enjten e kaluar u mblodh në Jeruzalem, Komisioni dypalësh
i përhershëm i Punës ndërmjet Izraelit dhe Selisë së Shenjtë. Vazhduan bisedimet mbi
“Marrëveshjen Financiare”, që ka të bëjë me çështje fiskale e pronësie. Në një komunikatë
të përbashkët për shtyp, palët shprehen se klima e bisedimeve ishte e përzemërt, në
frymën e bashkëpunimit. Një grup pune i caktuar për këtë qëllim dorëzoi një raport
për çështjen, mirëpritur nga të dyja delegacionet. Takimi tjetër do të bëhet me 30
prill, gjithnjë pranë Ministrisë së Jashtme të Izraelit.