«Святы Айцец накіроўваецца ў Святую Зямлю, нягледзячы на пануючыя там канфлікты,
не дзеля таго, каб выказаць абыякавасць да трагічнай сітуацыі і вельмі цяжкіх цярпенняў.
Яго падарожжа з’яўляецца выразам надзеі», — паведаміў кіраўнік прэс-службы Апостальскай
Сталіцы кс. Фэдэрыко Ламбардзі. Па словах кіраўніка ватыканскага ведамства, Бэнэдыкт
XVI, па прыкладзе сваіх папярэднікаў — Паўла VI і Яна Паўла ІІ — кіруецца жаданнем
здзейсніць пілігрымку ў зямлю, якую любіць кожны веруючы — і хрысціянін, і габрэй. Ксёндз
Фэдэрыко Ламбардзі таксама закрануў пытанне перамоваў паміж Апостальскай Сталіцай
і ўрадам Ізраіля. Іерарх адзначыў, што ў сувязі з падрыхтоўкай да папскага візіту
ў Святую Зямлю перамовы паскорыліся. «Аднак было б занадта рана гаварыць пра тое,
што прынята рашэнне, якое задавальняе ўсіх», — дадаў кіраўнік прэс-службы Апостальскай
Сталіцы.