Պենետիկտոս ԺԶ Քահանայապետը յառաջիկայ ապրիլ 26ին սրբադասման պատարագ պիտի մատուցանէ եւ որուն ընթացքին հինգ նոր սուրբեր պիտի հռչակէ

Պենետիկտոս ԺԶ Քահանայապետը յառաջիկայ ապրիլ 26ին սրբադասման պատարագ պիտի մատուցանէ եւ որուն ընթացքին հինգ նոր սուրբեր պիտի հռչակէ



յառաջիկայ կիրակի` ապրիլ 26ին Պենետիկտոս ԺԶ Քահանայապետը ս. Պետրոս հրապարակի վրայ սրբադասման պատարագ պիտի մատուցէ եւ որուն ընթացքին սուրբ պիտի հռչակէ.

Երանելի Արգանճելօ Դատինի (1846 - 1912 ) կուսակրօն քահանայ եւ հիմնադիրը իգական կրօնաւորական միաբանութեան

Երանելի Պերնարտօ Թոլմէի (1272 - 1348) աբբահայր եւ հիմնադիր սրբուհի Մարիամ կրօնաւորական միաբանութեան

Երանելի Նունօ տէ Սանդա Մարիա Ալվարէզ Բերէյրա (1360 - 1431) Կարմեղեան կրօնաւոր

Երանուհի Ճելդրուտ Գոմենսոլի (1847 - 1903), Կոյս եւ հիմնադիրը իգական միաբանութեան

Երանուհի Գադերինա Վոլբիչելլի (1839 - 1894 ) կոյս եւ հիմնադիրը Յիսուսի ս. Սրտի իգական միաբանութեան



քահանայապետական նշանակումներ



Պենետիկտոս ԺԶ Քահանայապետը նշանակեց կարտինալ Կլէմբ, վաստակաւոր առաջնորդը Լեհաստանի Վարշաւա թեմին, որպէս իր յատուկ նուիրակը գլխաւորելու սուրբ Պրունոյի մահուան հազարամեակին առթիւ։ Սուրբ Պրունօ եղաւ լուսաւորիչը Բրուսիոյ։ Արարողութիւնները տեղի պիտի ունենան Լոմզա 19-21 յունիս 2009-ին



Նոյնպէս` Պենետիկտոս ԺԶ Քահանայապետը նշանակեց գերապայծառ Զիկմունդ Զիմովսքի որպէս նախագահը Վատիկանի առողջապահութեան հովուութեան քահայանապետական խորհուրդի։

Ան կը յաջորդէ կարտւինալ Պառականի, որ իր հրաժարականը ներկայացուցած է իր յառաջացած տարիքին բերումով։