(20.4.2009 RV)Arabia Saudite ka njohur sot pavarësinë e Kosovës. Lajmin e dha
Ministria e Jashtme e Kosovës, duke nënvizuar se si vendimi i Riadit është me rëndësi
të madhe sidomos për efektin që mund të ketë mbi orientimin e Vendeve tjera të konferencës
islamike. Kjo është një njohje më rëndësi të jashtëzakonshme, duke qenë se vjen nga
një prej Shteteve kryesore të botës islame. Arabia Saudite është vendi dytë arab që
ka njohur Kosovën e pavarur, pas Emirateve të Bashkuara Arabe, që e patën njohur më
14 tetorin e kaluar. Krejtësisht deri më tani janë 58 Vende të botës që kanë
njohur pavarësinë e shpallur nga Kosova më 17 shkurt 2007. Ndër to janë SHBA-së e
22 prej 27 vendeve të Bashkimit Evropian. Në njoftimin e Ministrisë së Punëve të
Jashtme të Arabisë Saudite thuhet: “Në përputhje me lidhjet religjioze dhe kulturore
me popullin e Kosovës, dhe në shenjë respekti për vullnetin e popullit të Kosovës
për ta fituar pavarësinë, Mbretëria e Arabisë Saudite njofton për njohjen e Republikës
së Kosovës dhe shpreson që ky zhvillim do të kontribuojë pozitivisht në përmirësimin
e sigurisë dhe stabilitetit në Kosovë si dhe vendeve të saj fqinje”.