Рэспубліка Чэхіі: візыт Папы ў днях 26-28 верасьня
Біскупы Чэхіі і Маравіі паінфармавалі, што Папа Бэнэдыкт 16 адведае Чэшскую Рэспубліку
ў днях 26-28 верасьня гэтага году. Адначасна заахвочваюць вернікаў да ўзьняцьця духоўных
падрыхтовак. Гэта будзе першая пілігрымка Бэнэдыкта 16 да гэтае краіны. Папа Ян
Павал ІІ адведаў яе тры разы: ў 1990, 1995 і 1997-м гадах. Дэвізам візыту будуць
словы: “Любоў Хрыста ёсьць нашаю сілаю”. Біскупы Чэшкае Рэспублікі інфармуюць,
што ў найбліжэйшую нядзелю 19-га красавіка ва ўсіх Каталіцкіх Цэрквах краіны будуць
зьбірацца ахвяраваньні на запэўненьне матарыяльных сродкаў, якія неабходныя для ўласьцівага
зарганізаваня візыту Сьвяцейшага Айца. Адначасна апублікавалі спэцыяльную брашуру
з матарыямалі адносна духоўнае падрыхтоўкі да візыту Папы. Заклікаюць таксама да
ўзьняцьця канкрэтных учынкаў хрысьціянскае міласэрнасьці.