(16.04.2009 RV)Prej tyre do të dalin deputetët e rinj të Dhomës së Ulët si
edhe do të formohet qeveria e re. Sidoqoftë situata nuk është e qetë. Për të mbrojtur
zgjedhësit nga terrori ushtria po mbikqyrë qendrat e votimit, por megjithatë në zonat
e Çatisgarit dhe Xharkandit pati 16 viktima shkaktuar nga sulmet e rebelëve maoist.
Procesi zgjedhor do të përfundojë më 16 maj. Ndeshja kryesore është ndërmjet qendrës
dhe të majtës përfaqësuar nga Kongresi i Sonia Gandit, nga njëra anë dhe opozitës
hindu me karakter nacionalist, nga ana tjetër. Po ashtu bëhet e ditur se konferenca
ipeshkvnore indiane i bëri thirrje besimtarëve të fillojnë një “fushatë lutjesh” që
do t’i shoqërojë zgjedhjet deri në përfundimin e tyre. Në një komunikatë të ipeshkvijve
indianë i bëhet thirrje besimtarëve të krishterë të marrin pjesë aktivisht në jetën
politike të Indisë. Shtojmë se në Indi sistemi zgjedhor në fuqi është ai mazhoritar.
Si i tillë ai penalizon si të krishterët ashtu edhe myslimanë dhe e bën të pamundur
përfaqësimin politik të këtyre dy bashkësive.