Rusia i kërkon NATO-s të pezullohen manovrat e ardhshme në Gjeorgji
(16.04.2009 RV)Përfaqësia e përherëshme ruse pranë NATO-s i ftoi drejtuesit
e Aleancës Atlantike t’i shtyjnë ose t’i anullojnë fare manovrat ushtarake të parashikuara
për në Gjeorgji në majin dhe qershorin e ardhshëm. Rusia e justifikon këtë kërkesë
duke paraqitur tri arsye, e para se marrëdhëniet Rusi-Nato nuk janë normalizuar ende;
e dyta se Moska kishte paralajmëruar se do të vinte sanksione ndaj atyre vendeve që
do të mbështetnin militarizimin e Gjeorgjisë dhe së treti se këto manovra ushtarake
mund të interpretohen si mbështetje ndaj shumë të përfolurit presidentit gjeorgjian
Mihail Sakaashvili.
Po ashtu pas dhjetë vjetësh Rusia hoqi masat e jashtëzakonshme
të luftës antiterroriste në Çeçeni. Duke filluar nga sot të gjitha masat që lidhen
me luftën kundër terrorizmit në Çeçeni do të jenë standard me ato të të gjitha zonave
të tjera të Federatës Ruse. Lajmi u dha nëpërmjet një komunikate të shërbimeve ruse
në të cilën thuhet se shfuqizimi i masave të jashtëzakonshme antiterroriste synon
normalizimin e mëtejshëm të situatës në Çeçeni.