Këshilli i Evropës shqetësohet për kriminalizimin e emigracionit të parregullt në
Itali
(16.04.2009 RV)Këshilli i Evropës shpreh shqetësimin e tij në lidhje me atë
që e përkufizoi si “kriminalizim të emigracionit të parregullt në Itali” si edhe për
masat e reja ligjore të miratuara apo në diskutim e sipër nga Italia. Në raportin
që u botua sot, komisari për të drejtat e njeriut në Këshillin e Evropës i quajti
këto masa si drakoniane. Në veçanti Këshilli shprehu shqetësim për dy ligje: të atij
që parashikon riatdhesimin e emigrantëve edhe në vendet ku përdoret tortura, si edhe
për atë që u njeh mjekëve italianë të drejtën për të denoncuar emigrantët e parregullt.