Kardinal Banjasko viziton zonat e tërmetit në Abruco. Konferenca Ipeshkvnore Italiane
ka dhuruar 5 milion euro.
(14.04.2009 RV)Që sot paradite, kryetari i Konferencës Ipeshkvnore të Italisë,
kardinali Anxhelo Banjasko ndodhet për vizitë në zonat e tërmetit në rajonin e Abrucos
në Itali. Ai lajmëroi se Konferenca do të japë edhe 2 milion euro pas 3 milionëve
të dhëna për emergjencën. Prelati vizitoi të sëmurët në spitalin fushor dhe pasdite,
kremtoi Meshën në mes të tendave në Akuila. Ndërkaq, tërmeti nuk e lë të qetë Abrucin.
Mbrëmë, në orën 23.14, një lëkundje tjetër prej 4,9 gradësh të shkallës Rihter u dëgjua
deri në Romë.