Գարեգին Բ ամենայն Հայոց կաթողիկոսի շնորհաւորական ուղերձը S. Կոյս Մարիամի Աւետման տօնին
առիթով։
Վեհափառը իր պատգամին մէջ կը գրէ. Մայր Աթոռ Սուրբ Էջմիածնէն Հայրապետական Մեր օրհնությունը կը բերենք աշխարհասփյուռ մեր ժողովրդին Աւետման տօնի առիթով և կը շնորհաւորենք կիներն ու մայրերը` Մայրութեան և գեղեցկութեան օրուան կապակցութեամբ։
Փրկչի ծննդեան աւետումը Սուրբ Աստուածածնին` աշխարհի փրկութեան աստուածային խոստումի բարի լուրն էր, վկայութիւնը Բարձրեալի անսահման սիրոյ ու խնամքի մարդկութեան հանդէպ։
Սուրբ Աստուածածինը օրինակ է առաքինութեան, բարեպաշտութեան, առ մարդիկ սիրոյ ու նուիրումի։ Թող Աստուածամօր լուսաւոր կերպարը այսօր և միշտ ոգեշնչէ և առաջնորդէ կիներուն` ապրելու առ Աստուած հաւատքով, ծառայելու մեր երկրի առաջընթացին, ընտանիքներու բարօրութեանն ու ամրութեանը, մայրական հոgագծութեամբ դաստիարակելու արժանաւոր զավակներ հաւատաւոր մեր ժողովրդի, Հայրենիքի և Սուրբ Եկեղեցւոյ։
Կ'աղօթենք, (կը կարդանք Վեհափառի պատգամին մէջ), որ Փրկիչ մեր Տերը շնորհազարդէ տիկինները և օրիորդները` Ամենախնամ Իր Սուրբ Աջի հովանիի ներքեւ պարգևելով երջանկութիւն և բիւր բարիքներ, և Սուրբ Աստուածածնի բարեխօսութեամբ Տիրոջ օրհնութիւնը առատ արգասիքներ բերէ մեր կեանքին մէջ, համայն աշխարհի մէջ։
| All the contents on this site are copyrighted ©. |