Asnjë marrëveshje në OKB, pas hedhjes së raketës koreanoveriore
(06.04.2009 RV)Këshilli i Sigurimit të Kombeve të Bashkuara, që u mblodh mbrëmë
në Nju Jork, nuk arriti të gjejë konsensusin mbi përgjigjen që i duhet dhënë veprimit
të Koresë së Veriut, e cila dje hodhi në orbitë një raketë-satelit. Piongjangu flet
për një satelit eksperimental për telekomunikimet, ndërsa bashkësia ndërkombëtare
mbështet tezën se raketa është ushtarake. Japonia, SHBA-të dhe Franca kanë kërkuar
marrjen e masave kundër Koresë së Veriut, por vende si Kina e Rusia frenojnë. Diskutimi
në OKB vazhdon, ndërsa Japonia do të vendosë të premten për sanksionet kundër vendit
komunist.