Papa emëron imzot Nikols ipeshkëv të Uestminsterit
(03.04.2009 RV)Benedikti XVI pranoi
kërkesën për dorëheqje nga drejtimi baritor i kryedioqezës së Uestminsterit, paraqitur
nga kardinali Kormak Marfi O’Konorr, që ka mbushur moshën e pensionimit. Ipeshkvi
i ri metropolit i Uestminsterit, të cilin Papa e transferoi nga selia e Birmingamit,
është imzot Vinsent Gerard Nikols, teolog i njohur anglez, në moshën 63 vjeçare. Kardinali
O’Konorr, i cili më 22 gusht do të mbushë 77 vjeç, e drejtoi selinë e Uestminsterit
që nga viti 2000. Luajti një rol shumë të rëndësishëm në krijimin e atmosferës së
dialogut me Kishën anglikane.