Настаяцель Экумэнічнае Супольнасьці з Тэзэ ў Папы Бэнэдыкта 16
Сьвяцейшы Айцец прыняў ў панядзелак 30-га сакавіка Брата Алоіза, якога суправаджала
група братоў гэтае супольнасьці. Была гэта штогадовая прыватная аўдыенцыя, якая
ўпісваецца ў традыцыю рэгулярных сустрэч, што пачаў Папа Ян Павал ІІ 30-ць гадоў таму
назад разам з заснавальнікам Экумэнічнае Супольнасьці Братам Рожэ. Брат Алоіз падкрэсьліў,
што гэтыя сустрэчы гэта канкрэтны спосаб, каб выявіць адзінства паміж хрысьціянамі
ды ясны знак вузаў з Каталіцкім Касьцёлам. У часе сустрэчы- як сказаў брат Алоіз
Ватыканскаму Радыё- мы гаварылі аб эўрапэйскіх сустрэчах моладзі: той, якая адбылася
ў Брусэлі і аб той, якая адбудзецца ў Познані, Польшча. Сьвяцейшы Айцец падкрэсьліў
значэньне прыйманьня людзей ў парафіях і ў сем”ях. Я падкрэсьліў- сказаў далей брат
Алоіз- што дасьведчаньне супольнасьці адкрывае сёньня людзей на Эвангэльле. Падзякаваў
таксама Папе за тое, што так часта паўтарае, што найважнейшым і найбольш сьпешным,
на сёньняшні дзень заданьнем, ёсьць адшукваньне адносінаў чалавека з Богам. Трэба
гэтых людзей суправаджаць. Бэнэдыкт 16 сказаў, што ў Тэзэ гэта менавіта мы робім,
суправаджаючы маладых людзей. Гэтая сустрэча з Папам дадала нам адвагі- сказаў Ватыканскаму
Радыё брат Алоіз.