У нядзелю 29-га сакавіка Папа Бэнэдыкт 16 быў з душпастырскім візітам у рымскай парафіі
Сьвятога Аблічча Ісуса
Парафія ляжыць у зоне гораду Мальяна. Ад трох гадоў цешыцца новым Касьцёлам. Была
створана ў 1992-м годзе як парафія Сьвятога Максымільяна Кольбэ. Аднак у 2001-м
годзе парафія была перайменаваная на Сьвятое Аблічча Ісуса. Яе найнавейшая гісторыя
пачалася роўна тры гады таму назад разам з высьвячэньнем новае сьвятыні . У казаньні,
ў часе Сьвятой Імшы, Папа сказаў, што ў сэрцы кожнага чалавека прысутным ёсьць жаданьне
пазнаць Хрыста. Гэта можа зьдзейсьніцца на дарозе суправаджаньня Яго ва ўсім, значыць
таксама ў штодзённым уздыманьні крыжа. Такім чынам чалавечы эгаізм паменшываецца,
ўступаючы месца Божай волі. Адзіным спосабам зазнаць глыбокую радасьць ёсьць ахвяраваць
сябе Хрысту. Толькі губляючы сябе ў любові чалавек можа адшукаць сябе- сказаў Бэнэдыкт
16. Візіт у рымскай парафіі Сьвятога Аблічча Ісуса закончыўся сустрэчамі з дзяцьмі
ды парафіяльнаю радаю. Зьвяртаючыся да дзяцей, якія неўзабаве прыймуць Першае Прычасьце,
Сьвяцейшы Айцец прыпомніў ім, што найважнейшым ў гэтай ўрачыстасьці ёсьць сустрэча
з Ісусам, а не падарункі і ўрачысты абед. У слове накіраваным да парафіяльнае рады
Папа зьвярнуў увагу, што ў сёньняшніх часах пробашч не можа аставацца “самотным”.
Каб добра выконваць свае абавязкі ён патрабуе падтрымкі з боку парафіян, чаго прыкладам
можа быць афрыканскі Касьцёл. Бэнэдыкт 16 падзякаваў таксама рымскім вернікам
за ўсялякага роду ініцыятывы на гэтай ніве.