ആര്ച്ചുബിഷപ്പ് തോമസ് മേനാംപറമ്പില് പാപ്പാ ദുഖവെള്ളിയാഴ്ച നയിക്കുന്ന കുരിശിന്െറ
വഴിയുടെ പ്രാര്ത്ഥന തയ്യറാക്കുന്നു
പാപ്പാ അനുവര്ഷം ദുഖവെള്ളിയാഴ്ച റോമിലെ കൊളോസിയത്തില് നയിക്കുന്ന കുരിശിന്െറ വഴിയുടെ
പ്രാര്ത്ഥനകള് തയ്യാറാക്കാന് ആസ്സാമിലെ ഗോഹട്ടി അതിരുപതാസാരഥി ആര്ച്ചുബിഷപ്പ് തോമസ്
മേനാംപറമ്പിനെ പോപ്പ് ബെനഡിക്ട് പതിനാറാമന് നിയമിച്ചു. ആ നിയമനത്തെ സംസ്ക്കാരങ്ങളുടെ
പിള്ളത്തൊട്ടിലായ ഏഷ്യായോടുള്ള പാപ്പായുടെ ഔല്സുക്യത്തിന്െറ തെളിവായി ആര്ച്ചുബിഷപ്പ്
വിശേഷിപ്പിച്ചു. അദ്ദേഹം തുടര്ന്നു- പാപ്പായ്ക്കു് എഷ്യയെ സംബന്ധിച്ച് പ്രവചനാത്മകമായ
ഒരു വീക്ഷണമാണുള്ളത്. പീലാത്തോസിന്െറ മുന്പില് നിര്ഭയനായി നില്ക്കുന്ന ക്രിസ്തുവില്
നിന്ന് ഞാന് വളരെയേറെ ശക്തിയും പ്രചോദനവും ആര്ജ്ജിച്ചിട്ടുണ്ട്. താന് സത്യത്താല്
നയിക്കപ്പെടുന്നുവെന്ന ബോധ്യവും- ഉറപ്പും അതില് നിന്നു് ഉരുത്തിരിയുന്ന ആന്തരികധൈര്യവും
ആണ് ക്രിസ്തുവിനു് അതിന് ശക്തി പകര്ന്നത്. ആഴമായ ബോധ്യതയോടും- പ്രശാന്തതയോടും കുടിയാണ്
പീലാത്തോസിന്െറ മുന്പില് അവിടുന്ന് നിന്നത്. ക്രിസ്തുവിന്െറ ആ ധൈര്യം നമ്മെ പ്രത്യാശാനിര്ഭരമാക്കുന്നു.
അചഞ്ചലവും- സുവിശേഷത്തില് നങ്കൂരമുറപ്പിക്കപ്പെട്ടതുമായ വിശ്വാസം പ്രതിസന്ധിവേളയില്
പ്രത്യാശയുടെ സ്രോതസ്സാണ്. മാനവകുലം സമ്പന്നവും- പ്രത്യാശാനിര്ഭരവും ആകുന്നതിനു്
യേശുവിന്െറ സന്ദേശം ലോകത്തിന്െറ അതിര്ത്തികള് വരെ എല്ലായിടത്തും പ്രഘോഷിക്കപ്പെടട്ടെ
അദ്ദേഹം കുട്ടിചേര്ത്തു. ഏഷ്യയിലെ മെത്രാന് സംഘങ്ങളുടെ സഖ്യമായ FABC യുടെ സുവിശേഷവല്ക്കരണത്തിനായുള്ള
സമതിയുടെ അദ്ധ്യക്ഷൃനുമാണ് ആര്ച്ചുബിഷപ്പ് തോമസ് മേനാംപറമ്പില്.