Працягваецца Апостальскае Падарожжа Папы Бэнэдыкта 16 ў Афрыку. Сёньня перадапошні
дзень візыту.
Раніцай ў нядзелю 22-га сакавіка Сьвяцейшы Айцец а гадзіне 10-й мясцовага часу,
пачаў Сьвятую Імшу на лугах Чыманголя, над Атлантычным Акіянам у Луандзе, ў якой ўдзельнічалі
не толькі прадстаўнікі ўсіх дыяцэзый Анголы але таксама пілігрымы і біскупы з так
званага ІМБІСА, Япіскапскіх Канфэрэнцый з Ботсваны, Лесото, Мазамбіку, Намібіі, Рэспублікі
Паўднёвае Афрыкі, Суазі ды Зімбабвэ. Паводле арганізатараў у Літургіі ўдзельнічала
больш за паў мільёна вернікаў. На пачатку Сьвятой Імшы Папа сказаў, што моліцца за
душы двух маладых людзей, хлапца і дзяўчыны, якія згінулі ў суботу 21-га сакавіка,
калі намагаліся трапіць на сустрэчу Папы з моладдзю, якая адбылася на гарадзкім стадыёне
ў Луандзе. У сваёй прамове да ўдзельнікаў Сьвятой Імшы Сьвяцейшы Айцец паклікаў
жыхароў Анголы да прымірэньня і адбудовы краіны пасьля доўгіх гадоў грамадзянскае
вайны. “Я прыбыў да Афыркі менавіта дзеля таго, каб абвяшчаць пасланьне прабачэньня,
надзеі і новага жыцьця ў Хрысьце- сказаў Бэнэдыкт 16. Спасылаючыся да грамадзянскае
вайны ў Анголе і яе жахлівых вынікаў Папа падкрэсьліў, што вайна можа зьнішчыць ўсё,
што мае вартасьць: менавіта сем”і, цэлыя супольнасьці, плады чалавечых намаганьняў,
надзеі, якія вядуць і падтрымліваюць жыцьцё і працу чалавека. Заўважыў пры гэтым,
што грамадзянская вайна ёсьць дасьведчаньнем тыпічным для ўсёй Афрыкі, якая спрычыняе
зьнішчэньне намаганьняў пакаленьняў добрых людзей. Спасылаючыся да ўшаноўванага
ў нядзелю 22-га сакавіка ў Англле дня малітвы ды ахвярнасьці ў намеры нацыянальнага
прымірэньня Сьвяцейшы Айцец сказаў, што сапраўднае прымірэньне можа быць выключна
плодам наверненьня, перамены сэрца, новага спосабу думаньня. Толькі сіла Божае Любові
можа змяніць нашыя сэрцы і зрабіць тое, што мы пераадолеем сілы граху і падзелаў.
Толькі Ягоная любоў можа зьмяніць нашыя “каменныя сэрцы” і зрабіць нас здольнымі будаваць
а не зьнічшаць. Толькі Бог можа ўчыніць ўсе рэчы новымі. Я прыбыў у Афрыку менавіта
на тое, каб абвяшчаць пасланьне прабачэньня, надзеі і новага жыцьця ў Хрысьце- сказаў
Бэнэдыкт 16. Касьцёл ў Анголе і ў цэлай Афрыцы ёсьць прызначаны на тое, каб быць
перад сьветам знакам еднасьці, да якой паклікана ўся чалавечая сям”я цераз веру ў
Адкупіцеля Хрыста- працягваў Папа. Пакуль што аднак “хмары зла трагічна зацемнілі
“ Афрыку, што выяўляецца ў “бедстве войнаў”, “страшных пладах трыбалізму і этнічных
непаразуменьнях”, прагнасьці, якая нішчыць сэрца чалавека, прыводзіць да нявольніцтва
ўбогіх і пазбаўляе будучае пакаленьне рэсурсаў, якіх так вельмі патрабуюць, каб ствараць
грамадзтва больш салідарнае і справядлівае. Праца адбудовы- ў супярэчнасьці злу-
ёсьць павольнаю і цяжкаю, трэба зачынаць ад малых, штодзённых неабходных ахвярнасьцяў,
каб быць верным Божаму Закону; ад малых жэстаў, цераз якія мы праяўляем любоў нашым
суседзям; без огляду на расу, этнічную прыналежнасьць ці мову- з гатоўнасьцю да супрацоўніцтва
з імі ў будаваньні новае грамадзкасьці- сказаў Папа. Сваю прамову Сьвяцейшы Айцец
закончыў наступнымі словамі: “Адвагі! У дарогу. Глядзідзе ў будучыню з надзеяю,
мейце давер абяцаньням Бога і жывіце ў Ягонай праўдзе. Такім чынам збудуеце штосьці,
што мае ператрываць і пакінуць будучым пакаленьням трывалую спадчыну прымірэньня,
справядлівасьці і міру.