Lutja e Benediktit XVI drejtuar së Lumes Virgjër Mari, Pajtore e Afrikës.
(22.03.2009 RV)Lutja drejtuar nga
Papa Virgjërës Mari, Pajtore e Afrikës, gjatë Meshës për dorëzimin e Instrumentum
Laboris.
Shenjtja Mari, Nëna e Tënzot, Pajtore e Afrikës,
ti i dhe botës Dritën e vërtetë, Jezu Krishtin! Duke iu bindur plotësisht Atit
qiellor e me hirin e Shpirtit Shenjt, na dhurove burimin e pajtimit e të drejtësisë,
Jezu Krishtin, paqen tonë e gëzimin tonë. O Nëna e dashurisë dhe e urtisë, na e
trego Jezusin, Birin tënd e Birin e Hyjit, na prij në rrugën e shndërrimit tonë,
na e nxirr hirin që mbi ne të shndrisë Lumnia e Jezusit në të gjitha mjediset e jetës
sonë personale, familjare e shoqërore. O Nënë përplot me Mëshirë e Drejtësi, me
bindjen ndaj Shpirtit Ngushëllues, ndërmjetëso që të jemi dëshmitarë të Zotit të ngjallur
e të bëhemi gjithnjë më shumë kripë e tokës e dritë e botës. Nënë e Ndihmës së
Përhershme, ndërmjetësimit tënd amtar ia besojmë përgatitjen dhe frytet e Sinodit
të dytë për Afrikën. Mbretëreshë e Paqes, lutu për ne! Zoja e Afrikës, lutu
për ne!