(15.03.2009 RV)Sot Papa e kremtoi lutjen e Engjëllit të Tënzot me besimtarët
në një atmosferë të veçantë festive: në Sheshin e Shën Pjetrit ishin të pranishme
1000 vajza të vogla, në moshën 10-11 vjeçare, anëtare të Shoqatës ‘Udhërrëfyes e skaut
katolikë të Evropës’, së bashku me 200 shoqërues. Udhërrëfyesit erdhën që dje në Romë,
për të marrë pjesë në takimin e tyre të katërt kombëtar, me temën e dritës, sipas
motos: “Ja, edhe unë me ty, do të jem drita e botës”. Takimet kombëtare organizohen
gjithnjë në muajin mars, në prag të 25 marsit, solemnitet i Lajmërimit të Zojës së
Bekuar, ditë në të cilën kalendari liturgjik kremton përgjigjen “U bëftë mbi mua si
është fjala jote”, që Virgjëra Mari i dha Engjëllit lajmëtar.