Benedikti XVI ipeshkvijve argjetinas në vizitë ’ad Limina’: asnjë ipeshkëv nuk ndjehet
i vetëm, sepse është i lidhur ngushtë me Zotin.
Ipeshkvijtë të mbrojnë tërësinë e fesë dhe doktrinën e përbashkët të mbarë Kishës.
Kjo është porosia kryesore, që u dha sot paradite Papa ipeshkvijve argjentinas, në
përfundim të vizitës së tyre ‘ad Limina’. Fjalët e Zotit tonë, që të gjithë të jenë
një – shtoi Papa – duhet të shikohen si burim i përhershëm frymëzimi: “La
Iglesia es… Kisha është mister bashkimi, popull i mbledhur nga uniteti
i Atit, i Birit e i Shpirtit Shenjt”. Misioni i ipeshkvijve - shtoi Ati
i Shenjtë – është t’i shërbejnë unitetit të të gjithë Korpit mistik të Krishtit: “El Obispo, que es el principio… Ipeshkvi, që është zanafilla
e themeli i dukshëm i unitetit të Kishës së tij të veçantë, është i thirrur të promovojë
e të mbrojë tërësinë e fesë dhe doktrinën e përbashkët të mbarë Kishës, si dhe t’i
mësojë besimtarët t’i duan vëllezërit e tyre”.