Feja e kultura në dialog për të themeluar një humanizëm të ri
(13.3.2009 RV)Feja e kultura në dialog për të themeluar një humanizëm të ri:
kjo është sfida që Jubileu Paolin i Universitarëve i drejton botës akademike. Organizuar
nga Kongregata për edukimin katolikë, Këshilli Papnor për kulturën e Zyra e Vikariatit
të Romës për Baritorinë universitare, dje në Romë filloi Forumi Ndërkombëtar i Universiteteve
mbi temën “Ungjilli e kultura për një humanizëm të ri”, që do të përfundojë të dielën
më 15 mars me kremtimin e Meshës të cilën do ta kryesojë kardinali Groholevski, prefekt
i Kongregatës së Vatikanit për edukimin katolikë. Të sjellësh Ungjillin tek kultura
bashkëkohore, në mënyrë që e Vërteta mbi njeriun që feja zbulon w nxjerr në dritë,
të mund të themelon e udhëheq përparimin e dijeve në drejtimin e një humanizmi të
ri. Jubileu Paolin i Universitarëve i kërkon botës akademike një sfidë të guximshme:
ballafaqimin e krizës së modernitetit duke promovuar një revolucion vërtetë të thellë
kulturor, që e konsideron si të rreme, reduktuese e mashtruese dikotominë ndërmjet
fesë e arsyes, ndërmjet përmasës trashendentale të ekzistencës e të realitetit empirik,
ndërmjet lirisë njerëzore e së drejtës hyjnore, për të vlerësuar kontributin e doktrinës
shoqërore të Kishës e thelluar mirëkuptimin e asaj që është reale, dhe dëshmuar begatinë
historike të takimit ndërmjet fesë dhe arsyes. Të dëgjojmë Sekretarin e Shtetit të
Vatikanit, kardinalin Tarçizio Bertone: “Që nga zanafilla, takimi i Ungjillit
me kulturën është realizuar jo vetëm me shfaqjet e tija historike, siç është pra qytetërimi
i një populli, por edhe e sidomos me bërthamës krijuese e lindëse, që është njeriu
që e kërkon të vërtetën, nga fakti që Ungjilli nuk identifikohet me asnjë kulturë
të veçantë, por promovon të gjitha nga brenda”.