01..03.2009 у Віцебскай дыяцэзіі распачалася рэалізацыя праграмы
“Навука і духоўнасць супраць ВІЧ/СНІДу”. З блаславення біскупа віцебскага Уладзіслава
Бліна ў Віцебску ў парафіі Святога Духа сабраліся навучэнцы Віцебскіх ВНУ з замежжа.Дацэнт
кафедры інфекцыйных хвароб Віцебскага Дзяржаўнага Медыцынскага Універсітэта Іван Жыльцоў
падрыхтаваў даклад “Медыцынскія аспекты СНІДу” на англійскай мове. Ксёндз-магістр
Аляксандар Сапель SDS у сваёй гаміліі засяродзіў увагу моладзі на духоўным боку гэтай
цяжкай хваробы, на граху і духоўнай пустаце, як вытоках, ад якіх чалавек атрымлівае
гэткае выпрабаванне , на адносіны да ВІЧ-інфецыраванага чалавека і хворага на СНІД.
Брашуру “Навука і духоўнасць супраць ВІЧ/СНІДу” ,напрацаваную садружнасцю супрацоўнікаў
Віцебскага Дзяржаўнага Медыцынскага Універсітэта , Віцебскага Дзяржаўнага Універсітэта
ім. П.М. Машэрава, Віцебскай абласной клінічнай бальніцы, Віцебскага цэнтра гігіены,
эпідэміялогіі і грамадскага здароўя і дабрачыннай арганізацыі “Карытас” Віцебскай
дыяцэзіі, падрыхтавалі да выдання. На сустрэчы прысутнічалі студэнты, святары, навукоўцы,
прадстаўнткі СМІ вобласці. Прадстаўнік біскупа віцебскага па справах медыцыны, адна
з кіраўнікоў праэкта, урач УА “ВАКБ” Людміла Ярмолава падкрэсліла: гэта не адзінкавя
акцыя, гэта – працяг працы, пачатай у дыяцэзіі ў 2008г. “камандай аднадумцаў” з блаславення
біскупа Уладзіслава Бліна. На працягу 2009г. плануюцца сустрэчы у цэнтрах дэканатаў
дыяцэзіі з навукоўцамі ВДМУ і ВДУ, святарамі; сумесна з “Карытас” і дыягнастычным
кабінетам абласной інфекцыйнай бальніцы і абласным цэнтрам гігіены , эпідэміялогіі
і грамадскага здароўя выданне друкаванай прадукцыі супраць распаўсюджвання СНІДу,
духоўная дапамога хворым і ВІЧ-інфецыраваным. Падчас V міжнароднай канферэнцыі “Праблемы
ўрачэбнай этыкі ў сучасным свеце” у маі 2009 плануецца абмеркаванне шэрагу пытанняў
па праблеме ВІЧ/СНІД беларускімі і замежнымі навукоўцамі і святарамі для дасягнення
пазітыўных зменаў у сітуацыі захворвання насельніцтва на СНІД. |
