Багародзічная малітва "Анёл Гасподні" ў нядзелю 1-га сакавіка
А паўдні гэтага дня Бэнэдыкт 16 сустрэўся з вернікамі, якія прыбылі на Плошчу
Сьвятога Пятра, на гэтай марыйнай малітве. У сваім разважаньні, перад адгаварэньнем
гэтае малітвы, Сьвяцейшы Айцец гаварыў аб духоўным змаганьні Ісуса на Пустыні аб
чым успаміналася ў Эвангэльлі, якое было чытанае ў нядзелю 1-га сакавіка. Папа падкрэсьліў,
што гэтае 40-а дзённае змаганьне і ды спакушаньне Ісуса становіць драматычнае выяўленьне
кэнозы, значыць прыніжэньне Сына Божага. Гэтаму змаганьню прыглядаюцца таямнічыя
духоўныя істоты: менавіта з аднаго боку д’ябал, адвечны праціўнік, які спакушае; а
з другога боку Анёлы, Божыя пасланцы, якія служаць. Менавіта на гэтых апошніх засяродзіўся
Папа. Ён сказаў, што Анёлы прыймаюць актыўны удзел у збаўчых здарэньнях Старога і
Новага Запавету а ў часе посту Ісуса зьяўляюцца сьведкамі Яго боскасьці. Дарагія браты
і сёстры. Клічма больш часьцей Анёлаў, каб падрымлівалі нас у імкненьні за Хрыстом.
Узывайма асабліва сёньня, каб чувалі нада-мною і маімі супрацоўнікамі з Рымскае Курыі,
калі пасьля поўдня, як штогоду, мы пачнем тыднёвыя рэкалекцыі. Марыя, Каралева Анёлаў,
маліся за нас”. На заканчэньне паўднёвае сустрэчы з вернікамі Бэнэдыкт 16 прывітаў
працаўнікоў італьянскага прадпрыемства “Фіят” з Pomigliano d^Arco каля Неапаля, якія
прыбылі ў Рым, каб маніфэставаць ў справе будучыні свайго прадпрыемства. Папа прыпомніў
таксама іншыя праблемы, што спалучаныя з крызісам у розных частках Італіі Я абьядноўваюся
з біскупамі адпаведных мясцовых Касьцёлаў адносна блізкасьці з сем”ямі, якія кранутыя
гэтаю праблемаю ды даручаю іх апецы Божае Маці ды Сьвятога Язэпа, патрона работнікаў.
Выказваю заахвочаньне адносна палітычных і грамадзкіх уладаў як таксама адносна прапрыемцаў,
каб пры саўдзельнічаньні ўсіх здолелі змагацца з гэтым вялікім выклікам. Бо ж трэба
супольнага і трывала заангажаваньня, маючы на ўвазе першанство, якое належыцца працаўнікам
ды іхнім сем”ям- сказаў Бэнэдыкт 16.