Në lutjen e Engjëllit të Tënzot, Papa bën thirrje në favor të punëtorëve të goditur
nga kriza aktuale ekonomike e nga besimtarët kërkon largimin nga mëkati dhe e keqja
(01.3.2009 RV)Sot në lutjen e
Engjëllit të Tenzot në mesditë në Vatikan, Papa bëri thirrje në favor të punëtorëve
të goditur nga kriza aktuale ekonomike e pasatj komentoi pjesën e Ugjillit të meshës
së dielës së parë të Kreshmëve, që flet për tundimet e Jezusit në shkretëtirë nga
djalli e shërbehet prej ëngjëjve. Kreshmët, tha Benedikti XVI janë kohë e volitshme
për t’u distancuar përfundimisht nga mëkati, e keqja dhe për t’i mundur tundimet e
për t’u mbështetur në Zotin”. “Djalli, kundërshtar i cili që në fillim i është
kundërvue planit shpëtimtar të Zotit në favor të njerëzve”, u përmend sot nga Papa
gjatë Lutjes së Engjëllit të Tenzot. E duke cituar tundimet e Jezusit në shkretëtirë,
që ishin vepër e Djallit, Papa kujtoi se në fund të pjesë së Ungjillit të kësaj së
diele marrë nga Marku, para kësaj figure të errët e të tmerrshme që guxon ta tundojë
Zotërinë Jezus, duken Engjujtë, figura të shndritura e të mistershme që i ‘shërbenin’
Jezusit. Engjujtë – shpjegoi Papa – janë kontrapunkti i Djallit”. Sipas Papës
teolog, “ do t’i heqnim një pjesë të rëndësishme Ungjillit, po t’i linim anash këto
qenie të dërguara nga Zotit, që na kumtojnë praninë e Tij Hyjnore ndër ne dhe janë
shenjë e pranisë së Zotit në mesin tonë. T’iu drejtohemi shpesh me lutje Engjujve–
u kërkoi Papa besimtarëve e shtegëtarëve të shumtë të ardhur në Vatikan – që të na
mbështesin në udhën gjurmëve të Jezusit deri në identifikimin tonë me Të “.