Прэзідэнт Арменіі Серж Саргасян высока ацаніў гістарычную ролю армянскай хрысціянскай
Кангрэгацыі манахаў-мхітарыстаў пры сустрэчы з яе кіраўнікамі.
Абацтва братоў-мхітарыстаў месціца ад некалькіх стагоддзяў на востраве святога Лазара
ля Венецыі ў Італіі. Штогод, каб паглядзець на выратаваныя манахамі ад знішчэння
каштаўнейшыя кнігі і прадметы культурна-гістарычный спадчыны старажытнага армянскага
народа, востраў наведваюць дзясяткі тысяч турыстаў. У 2007 годзе Кангрэгацыя звярнулася
ў Раду Еўропы з просьбай аб фінансаванні праекта па перанясенню на лічбавыя інфармацыйныя
носьбіты 6 тысяч старажытнахрысціянскіх рукапісаў і 80 тысяч старонак архіваў, часткова
манускрыптаў, якія захоўваюцца ў кляштарным архіве. Маюць пад сваім наглядам браты-мхітарысты
таксама меч армянскага цара Лявона 6-га, гіпсавую маску кампазітара Комітаса - аднаго
са стваральнікаў армянскіх духоўных песьняпенняў, іконы і жывапісныя палотны. Прэзідэнт
Арменіі заявіў архімандрыту Эгіі Кілахпяну і дырэктару культурнага комплексу мхітарыстаў
у самой Арменіі Серобу Чамурляну:"Наша моц - у нашай разнастайнасці" і паабяцаў садзейнічаць
так важнаму напрамку ў жыцці манаскай Кангрэгацыі, як захаванне культуры і мовы
армянскага народа, што жыве наполову ў рассеянні па многіх краінах свету.