Letër e kryeipeshkvit të Bukureshtit për kardinalin Banjasko mbi krimet e rumunëve
në Itali
(24.02.2009 RV)Kisha katolike e Rumanisë bashkohet me atë italiane për të dënuar
të gjitha krimet dhe parregullsitë e kryera në Itali nga emigrantët rumunë. Kryetari
i Konferencës Ipeshkvnore të Rumanisë, imzot Joan Robu i shkruan për këtë homologut
të tij italian, kardinalit Anxhelo Banjasko. Imzot Robu dënon ashpër veprimet e kryera
nga kriminelët rumunë, por thekson se është i bindur se në të njëjtën mënyrë i dënojnë
këto krime edhe emigrantët, që punojnë e jetojnë me ndershmëri në Itali. Kryeipeshkvi
i Bukureshtit kërkon që rumunët të mos shihen vetëm si kriminelë dhe dëshiron solidaritetin
ndërmjet tyre dhe italianëve, edhe për të luftuar kundër çdo forme të së keqes.