Багародзічная малітва "Анёл Гасподні" ў нядзелю 22-га лютага
А паўдні гэтага дня, як таксама і ў важнейшыя сьвяты, Бэнэдыкт 16 сустрэўся
з вернікамі, якія прыйшлі на Плошчу Сьвятога Пятра, на гэтай марыйнай малітве. У
сваёй прамове да іх Папа прыпомніў, што грэх ёсьць свайго роду духоўным параліжам.
Чалавек можа з яго паднесьціся і ўвайсьці на дарогу дабра толькі дзякуючы Божай міласэрнасьці.
Далей Сьвяцейшы Айцец спаслаўся да Эвангэльля, якое было чытана ў Касьцёлах у нядзелю
22-га лютага, менавіта аб аздараўленьні паралітыка. Фізычны паварот да здароў’я сьведчыць
аб духоўным аздараўленьні, якое ёсьць вынікам прабачэньня. У Літургіі Касьцёла
прыпадае сёньня сьвята Катэдры Сьвятога Пятра- зьвярнуўся Бэнэдыкт 16 да вернікаў.
У Рыме ўшаноўвана яго ўжо ў 4-м стагоддзі. Пашыранае на ўвесь Касьцёл гэтае сьвята
прыпамінае, што Пятровая Сталіца зьяўляецца асноваю адзінства. Прымат Рымскага Касьцёла
быў прызнаны у цэлай каталіцкай супольнасьці незадоўга пасьля мучаніцтва Апосталаў
Пятра і Паўла. Сьведчылі аб гэтым такія сьвятыя, як Ігнатій Антыёхінскі ці Ірынэй
з Ліёну- прыпомніў Папа Гэтую вынятковую
і асаблівую паслугу біскупа Рыму пацьвердзіў Другі Ватыканскі Сабор. У касьцельнай
супольнасьці правамоцна існуюць мясцовыя Касьцёлы, якія карыстаюцца з уласнае традыцыі.
Астаецца пры гэтым непарушны прымат Пятровай Сталіцы, якая кіруе ўсім зграмаджаньнем
любові, апякуючыся законнымі адасобленасьцямі ды адначасна чувае, каб не перашкаджалі
яны еднасьці, але наадварот, каб служылі ёй”. ( Lumen gentium 13). На заканчэньне
сустрэчы з вернікамі Бэнэдыкт 16 папрасіў малітваў у сваім намеры, каб верна мог выконваць
абавязкі зьвязаныя з паслугаю Наступніка Сьвятога Пятра.