Vizitë e Papës në Seminarin e Madh romak, me rastin e festës së Zojës së Besimit
(20.02.2009 RV)Sot pasdite në orën
18, Papa Benedikti XVI shkoi për vizitë në Seminarin e Madh romak, në prag të Festës
së Zojës së Besimit. Ati i Shenjtë mbajti në Kapelën e Madhe të Seminarit një lectio
divina për seminaristët, të përqëndruar në Letrën e Shën Palit drejtuar galatasve.
Nuk është hera e parë që Papa Racinger shkon në seminar, me të cilin ka një lidhje
të veçantë, siç dëshmon në mikrofonin tonë rektori, imzot Xhovani Tani: Është
Seminari i Papës në kuptimin që është seminari i dioqezës së Romës, në të cilën Papa
është ipeshkëv. Duke parë të kaluarën, të gjithë papët, kush më shumë e kush më pak,
kanë pasur marrëdhënie me Seminarin Romak. Në veçanti, kujtoj Papën Gjoni XXIII, i
cili ka qenë nxënës i Seminarit. Në vitet e pakta të papnisë së tij, e vizitoi Seminarin
disa herë. Të flasim pak për Zojën e Besimit, Pajtorja e Institutit… Kjo
fugure vjen nga Todi. U soll në Romë nga një jezuit dhe është kopja e fugures që ruhet
nga klariset e Todit. U dërgua në Kolegjin Romak e, kur Seminari vendosi selinë në
Kolegj, në vitin 1774, gjeti aty fuguren. U krijua një simbiozë e fortë ndërmjet Seminarit
dhe Zojës së Besimit. Përkushtimi ndaj saj u rrit shumë gjatë shekullit të kaluar
e më duket se tashmë është konsoliduar. Ish-nxënësit tanë, kur vijnë në Romë, nuk
mungojnë të kalojnë nga Kapela, që është një shenjtërore e vogël brenda Seminarit
për të lutur Zojën e Besimit, e cila karakterizohet nga gjesti i Krishtit Fëmijë që
tregon të ëmën, si për të thënë: kij besim tek ajo. Ç’mund të na thoni për
punën tuaj të përditshme në këtë qendër edukimi kishtar? Është një punë impenjative,
që kërkon gjithnjë e më tepër vëmendje, dëgjim e kuptim të asaj që mund të jetë e
dobishme për formimin e të rinjve, të cilët paraqesin karakteristika të reja nga viti
në vit. Të rinjtë kanë nevojë që të kuptohen, e sidomos të dëgjohen. Kjo ka më shumë
rëndësi se çdo lloj skeme. Kjo kërkon shumë impenjim, nuk është gjithmonë e lehtë,
por rezultatet janë pozitive në pjesën më të madhe.