Հայկական Երաժշտութիւն Հայկական երաժշտութեան վարպետները
Աւետ Գաբրիէլեան
Հայկական Երաժշտութիւն Հայկական երաժշտութեան վարպետները
Աւետ Գաբրիէլեան
Աւետ
Գաբրիէլեան, ճանչցուած նաեւ Ավդեյ Տէր-Գաբրիէլեան անունով, ծնած է Տոն` Ռոստով քաղաքը
1899-ին։ Իր քաղաքի դպրոցի երկրորդական ուսումներն աւարտելէ ետք` Ռոստովի երաժշտական
ուսումնարանը աւարտած է 1921-ին։ Ապա զինք անմիջապէս կը տեսնենք Երեւան, ուր 1922-24`
կը դասաւանդէ երաժշտութիւնը Երեւանի երաժշտական ուսումնարանին մէջ։ Իսկ նոյն շրջանին`
Երեւանի մէջ նոր բացուած Գոնսերվադորիային մէջ կը պաշտօնավարէ որպէս ուսուցիչ ջութակի։
1924-29
Աւետ կ՛անցնէ Մոսկուայի մէջ, Փրոֆեսոր Ցեյտլինի դասարանը, ուր կը շարունակէ իր երաժշտական
ուսումները, զանոնք կատարելագործելով։ Միեւնոյն ատեն ալ կը սկսի ղեկավարել 1925-էն սկսեալ`
Մոսկվայի հայ ուսանողներուն երաժշտական լարային քառեակը, որ հետագային կը կոչուի Կոմիտաս
քառեակ։
1938-էն սկսեալ կը սկսի դասաւանդել Մոսկուայի Գոնսերվաթորիային մէջ, որպէս
դասատու խմբավարութեան. Իսկ 1946-54 կ՛ուսուցանէ ջութակի մասնագիտական դասարանին մէջ,
մէջտեղ բերելով երեւելի աշակերտներ։
Իր տաղանդը երեւան կու գայ մասնաւորապէս Քառեակներու
խմբային նուագին մէջ. 1938-ին, Կոմիտաս Քառեակը զոր ինք կը ղեկավարէր կը շահի առաջին
մրցանակը համաշխարհային քառեակներու մրցաշարքին մէջ։ Իր անունը փորագրուած կը մնայ Մոսկուայի
երաժշտանոցի անուանի շրջանաւարտներու ցանկին մէջ, պատուոյ մարմարեայ ցուցատախտակին վրայ։
1939-ին` կը պարգեւատրուի Աշխատանքային Կարմիր Դրօշի շքանշանով. Իսկ 1946-ին` կ՛արժանանայ
Հայաստանի Հանրապետութեան Պետական մրցանակին։
Աւետ Գաբրիէլեան իր նուագացանկին
մէջ` ընդհանրապէս տեղ տուած է դասական մեծ երաժիշտներու կտորներուն։
Հոն կը գտնենք
առաւելապէս ջութակի համար գրուած համերգներ հետեւեալ հեղինակներէն.
Պեթհովէն,
Մոցարդ, Մենտելսոհն, Չայքովսքի, ինչպէս նաեւ հայազգի Արամ Խաչատուրեանի հեղինակագրած
կտորներէն։ Նաեւ նեանաւոր է Էտուարդ Լալօյի Սպանիական համանուագը, որ յաճախ իր նուագահանդէսներուն
մէջ կարեւոր տեղ մը գրաւած է։
Ան նուագած է նշանաւոր դաշնակահարներու հետ, համանուագներու
ընթացքին. Անոնց անուններն են. Կոլտընվէյզըր եւ Նեյհաուզի` գերմանացիներ. Իկումնով եւ
Մերժանով` Ռուսեր։
Ընդհանրապէս երաժշտութեան այս մեծ վարպետը մեծ ներշնչումով
կ՛արտայայտէ իր նուագած կտորները, ինչպէս նաեւ դարու Ռոմանդիզմը մեծ ազդեցութիւն գործած
է իր արտայայտութեան մէջ։ Կարող է նշմարել նաեւ իր արտայայտութեան մէջ փառահեղ հնչականութիւն
մը, որոնք կու տան արուեստագէտին իր բացառիկ կարողութեան տէր ըլլալու հանգամանքը։
Կարելի
է դասել Աւետ Գաբրիէլեանը ոչ միայն հայ այլ համաշխարհային մեծ ջութակահարներու շարքին.
Գալով իր մանկավարժական կարողութիւններուն` անոնք արդէն յայտնի են իրեն յաջորդող սերունդներուն
մէջ, ըլլայ Հայերու մօտ, ըլլաջ մանաւանդ ռուսական երաժշտութեան մէջ։