Агульная аўдыенцыя Сьвяцейшага Айца ў сераду 11-га лютага
Адбылася яна ў зале імя Папы Паўла 6-га. Прыбыло на яе многа вернікаў і паломнікаў
з кожнага кутку сьвету. На заканчэнне сустрэчы Бэнэдыкт 16 памаліўся з вернікамі
за хворых да найсвятой Дзевы Марыі. Сёння адзначаецца Сусветны дзень хворага ў звароце
да памяці аб з'яўленнях Багамаці ў французскім Лурдзе. Пасьля заканчэньня катахэзаў,
якія былі прысьвечаныя Сьвятому Паўлу, сказаў Папа, мы вяртаемся думкаю да вялікіх
пісьменнікаў Царквы. Адным з іх ёсьць Ян Клімак Нарадзіўся ён
каля 575-га году. Маючы 16-ць гадоў уступае да манастыра на Сінаі, які пакідае пасьля
3-х гадоў, каб пачаць жыцьцё пустэльніка. Пасьля 40-а гадоў знаходжаньня на пустыні,
сказаў далей Сьвяцейшы Айцец у сёньняшняй катахэзе, стае настаяцелям манастыра. Неўзабаве,
аднак, вяртаецца зноў на пустыню, дзе памірае каля 650-га году. Ян Клімак ёсьць
аўтарам славутае працы пад загалоўкам: “Драбіна раю”. У ёй павучае сваіх братоў манахаў,
у які спосаб маюць імкнуцца да дасканаласьці. У першай частцы працы абмяркоўвае заганы,
якія стаяць на дарозе да абьяднаньня з Богам. Прыпамінае аб патрэбе жыць Эвангэльлем,
адарвацца ад сьвету, аб зьбераганьні посту і чыстаты. У другой частцы сваёй працы-
сказаў далей Бэнэдыкт 16- уздымае пытаньне духоўнае барацьбы са страсьцямі. Падкрэсьлівае,
што панаваньне над імі асягаецца дзякуючы практыкаваньню цнотаў. У трэцяй частцы
падкрэсьлівае, што дасканаласьць асягаецца дзякуючы прастаце, пакоры, мудрасьці і
малітве. Мэтаю гэтых імкненьняў ёсьць экстаза духа, які занураны ў таямніцы Бога. Імкненьне
да дасканаласьці- сказаў на заканчэньне сваёй катахэзы Сьвяцейшы Айцец- якая ўказаная
Янам Клімакам, тычыцца не толькі аскетаў пустыні але кожнага з нас. Цераз Сьвяты
Хрост мы былі пакліканыя, каб узрастаць у любові да поўнага абьяднаньня з Богам.
На заканчэньне аўдыенцыі Папа прывітаў ўсіх вернікаў, асабліва хворых, моладзь ды
новыя шлюбныя пары надзяляючы на ўсіх сваё Апостальскае Блаславенства Цярпенні
і хваробы дзяцей, а таксама сітуацыя іх сем’яў — галоўныя тэмы cёлетняга
Паслання Святога Айца Бенедыкта 16 на ХVІІ Сусветны Дзень хворага, які
ад 1993 г. адзначаецца 11 лютага у свята Лурдскае Багамаці.
Ініцыятарам гэтага дня быў Папа Ян Павел ІІ. Звычайна Дзень хворага адзначаўся ў марыйных
санктуарыях у розных кутках свету, а ў гэтым годзе яго святкаванне мае дыяцэзіяльны
характар.