(11.02.2009 RV)Papa Benedikti XVI i ka dërguar një telegram ngushëllimi guvernatores
së përgjithshme të Australisë, Kuentin Brajs, për viktimat e shkaktuar nga flakët,
që kanë përfshirë Shtetin e Viktorias. Në mesazh, Ati i Shenjtë siguron afërsinë e
tij për personat e goditura nga kjo fatkeqësi dhe i lutet Zotit për viktimat. Gjithashtu,
Benedikti XVI lavdëron të gjithë ata që po ndihmojnë për kapërcimin e situatës së
emergjencës të krijuar nga piromanët. Ndërkaq, bilanci i viktimave ka arritur
në 181 vetë e 50 të tjerë akoma nuk janë gjetur. 25 zjarre janë jashtë kontrollit
në zonat rurale të juglindjes. Ky ferr, që nisi të shtunën e kaluar, ka bërë hi mëse
30 mijë hektarë tokë. 7 mijë vetë janë regjistruar në listat e Kryqit të Kuq për ndihma
e strehim. Temperaturat vazhdojnë të kalojnë 40 gradët.