Папа - да сваіх біскупаў з Расеі аб патрэбе заангажаваньня на ніве царкоўнага адзінства
"Хай вашая прысутнасьць ў Расіі будзе прыпамінаньнем і заахвочаньнем да дыялогу"-
сказаў Бэнэдыкт 16 біскупам з Расійскае Фэдэрацыі, якія ў гэтых днях знаходзяцца ў
Рыме з візітам “Ад Ліміна”. Папа прыняў кожнага з іх на прыватных аўдыенцыях ў панядзелак
26-а студзеня. 29-га студзеня, ў перадапошні дзень візыту, сустрэўся ў Ватыкане з
цэлым Эпіскапатам. Большая частка прамовы Папы да іх была прысьвечана праблеме адзінства.
Сьвяцейшы Айцец паясьніў з пачатку каталіцкае паняцьце адзінства мясцовых Цэркваў
“cum Petro et sub Petro”- з Пятром і пад яго старшынствам. -Вы жывеце ў асаблівым
царкоўным кантэксьце, а менавіта ў краіне, ў якой большасьць грамадзтва ёсьць намечана
ўплывам тысячагадовай праваслаўнай традыцыі з яе багатаю рэлігійнаю і культурнаю спадчынаю-
сказаў Папа.- Вельмі важным ёсьць ўсьведамляць сабе справу з патрэбы новага заангажаваньня
ў дыялог з нашымі братамі і сёстрамі праваслаўнымі. Мы ведаем, што гэты дыялог міма
зьдзейсьненых ужо поступаў, сустракае яшчэ пэўныя цяжкасьці. Хаця ў часе розных сустрэч
не заўсёды ўдаецца крануць істотныя пытаньні- працягваў Сьвяцейшы Айцец да біскупаў
з Расійскае Фэдэрацыі- то аднак гэтыя сустрэчы прычыняюцца да ўзаемнага пазнаньня,
дзякуючы чаму мы можам з сабою супрацоўнічаць на ніве выхаваньня новых пакаленьняў,
на якіх нам ўсім вельмі залежыць”. За пасрэдніцтвам расійскіх біскупаў Бэнэдыкт
16 перадаў таксама пажаданьні новаму Патрыярху Масквы і Ўсяе Русі, запэўніваючы яго
ў сваіх малітвах. У прамове Сьвяцейшы Айцец крануў таксама шэраг душпастырскіх
пытаньняў, між іншым, турботу пра сям”ю, якая ў Расіі знаходзіцца ў досыць драматычнай
сітуацыі. Праяўляецца гэта таксама ў цяжкім дэмаграфічным крызісе. У гэтым кантэксьце
Бэнэдыкт 16 паклікаў католікаў да супрацоўніцтва з тамашнімі ўладамі, якія таксама
ёсьць занепакоеныя гэтаю сітуацыяю. Папа паклікаў расійскіх біскупаў, каб не зьнеахвочваліся
скупымі сродкамі, якімі распараджаецца іхняя супольнасьць, ані невялікімі пладамі
іхняга душпастырскага заангажаваньня. “Разбуджайце хутчэй ў сабе і ў вашых супрацоўніках
сапраўдны дух веры з эвангэльскаю сьвядомасьцю, што Ісус Хрыстос не забудзецца абдарыць
пладамі вашую паслугу ў часе і ў спосаб, які Ён сам прызнае за адпаведны”- сказаў
Сьвяцейшы Айцец.