Пабольшаньне місійнае дзейнасьці ды павялічэньне ўсціску на агульнанацыянальную
праваслаўную адукацыю — гэтыя дзьве дарогі разьвіцьця ўказаў Мясцовы Сабор Рускае
Праваслаўнае Царквы ў Маскве. Выбраны на ім новы Патрыярх Кірыл сказаў, што ўмоваю
сустрэчы з Рымскім Папам ёсьць развязка цяжкіх пытаньняў. Падтрымаў такім чынам лінію
свайго папярэдніка. “Галоўным заданьне Царквы павінна быць пабольшаньне місійных
намаганьняў ды агульнацыянальнай праваслаўнай адукацыі. Місійная дзейнасьць, духоўнае
і маральнае выхаваньне асобы павінна стаць у цэнтры нашае працы”- чытаем у канчатковым
дакуманце Сабору. Прычынаю пабольшаньня місійных намаганьняў ёсьць тое, як чытаем
у дакуманце, што “многія называюць сябе праваслаўнымі, але не паводзяць сябе згодна
з даручэньнем Царквы. Дзеля гэтага душпастыры і сыны Царквы павінны пакласьці ўсе
намаганьні, каб людзі пазнаёміліся з асновамі праваслаўнае веры, ўдзельнічалі ў сакрамантальным
жыцьці і Літургіях, паводзіліся згодна з маральнымі нормамі Хрыстовага Эвангэльля”. Сабор
паклікаў душпастыраў і сьвецкіх асоб разьвіваць дыялог з грамадзтвам, “паказваючы
яму хрысьціянскі вобраз жыцьця і гаворачы аб вартасьцях”. У дыялогу з дзяржаваю,
паводле дэлегатаў Сабору, “трэба шанаваць прынцыпы не ўмешваньня ў справы, якія належаць
да кампэтэнцыі другога боку”. Новавыбраны Патрыярх Кірыл падтрымаў лінію свайго
папярэдніка Аляксея ІІ ў справе сустрэчы з Папам. Да сустрэчы такой можа дайсьці
пасьля развязкі праблемаў, якія дзеляць абедзьве Цэрквы.