Opozita gjeorgjiane: Sakashvili të japë dorëheqjen

(29.01.2009 RV)Opozita gjeorgjiane i bëri thirrje presidentit Sakashvili të japë dorëheqjen nga posti që mban dhe të shpallë zgjedhje të parakohshme presidenciale.
Sakashvili fajësohet nga opozita si drejtues i papërgjegjshëm, i cili me paaftësinë e tij i shkaktoi Gjeorgjisë një luftë me Rusinë verën e kaluar, luftë e cila përfundoi me shkëputjen e dy zonave separatiste si edhe me dëmtimin e ekonomisë së vendit.