Мітрапаліт Кірыл - новым Патрыярхам Маскоўскім і Ўсяе Русі. Папа Бенедыкт 16 яго
шчыра віншуе тэлеграмаю
"Малюся, каб Госпад Вам даў поўню мудрасці для распазнавання Ягонае волі, пастаянства
і любоў да забавязкаў Патрыярхальнага паслугоўвання ды падмацоўваў ў вернасці на
аснове багатай спадчыны праваслаўнае Эвангельскае традыцыі." Папа запэўніў новавыбранага
патрыярха Кірыла ў сваёй духоўнай блізкасці. Шаснаццатым Патрыярхам Маскоўскім
і Усяе Русі стаў Мітрапаліт Смаленскі і Калінінградскі Кірыл. Шосты Мясцовы Сабор
Рускае Праваслаўнае Царквы выбраў яго ўжо ў першым дні сваіх прац. Мітрапаліта Кірыла
падтрымала 508-м з 702-х дэлегатаў.Пасьля таго як ад удзелу ў выбарах на Патрыяршы
Пасад адмовіўся Экзарх Беларусі Мітрапаліт Філярэт, дэлегаты Сабору выбіралі паміж
двума кандыдатамі- Мітрапалітам Кірылам ды Мітрапалітам Калускім і Бороўскім Клімэнтам.Тайнае
галасаваньне закончылася каля гадзіны 18.30 маскоўскага часу ў аўторак 27-га студзеня
. Да 22-й гадзіны трывала падлічваньне галасоў. Такім чынам, новага кіраўніка
Рускае Праваслаўнае Царквы было выбрана ўжо ў першым туры.Інтранізацыя новага Патрыярха
адбудзецца 1-га лютага ў Царкве Хрыста Збавіцеля ў Маскве. Будзе прысутным на ім запрошаны
прадстаўнік Папы Рымскага. Новы Патрыярх (свецкае імя Ўладзімір Гундзяеў) нарадзіўся
ў 1946 годзе ў Ленінградзе ў сям’і святара. Па сканчэнні школы паступіў у Ленінградскую
духоўную семінарыю, а потым — Акадэмію, якую скончыў у 1970 годзе. Працаваў выкладчыкам
дагматычнага багаслоўя ў ЛДАіС, адначасова — асабісты сакратар мітрапаліта Ленінградскага
Нікадзіма. Ад 1971 па 1974 гады — прадстаўнік Маскоўскага патрыярхату пры
Сусветнай Радзе Цэркваў у Жэневе. Ад 1974 па 1984 — рэктар ЛДАіС. Ад снежня 1984 —
архіяпіскап Смаленскі і Вяземскі. Ад 1988 — архіяпіскап Смаленскі і Калінінградскі.
25 лютага 1991 году ўзведзены ў сан мітрапаліта. Мітрапаліт Кірыл публічная
асоба. Па згадках у СМІ ён нават апярэджваў Аляксія II. Гундзяеў некалькі разоў сустракаўся
з папам Рымскім Бенедыктам XVI. За ім замацаваўся неафіцыйны статус «міністра замежных
справаў РПЦ».