Ipeshkvijtë irakianë flasin për dramën e bashkësive të tyre të krishtera dhe bëjnë
thirrje për ndihmë.
(25.01.2009 RV)Thirrja e ipeshkvijve
irakianë vjen nga Vatikani, ku të enjten e kaluar u pritën nga Ati i Shenjtë në vizitë
‘ad Limina’. “Bota të mos e harrojë dramën e të krishterëve në Irak, të mos i mbyllë
sytë përballë shpresave e vuajtjeve të bashkësisë së vogël të krishterë në këtë zonë
të botës, ku zu fill feja e krishterë, bashkësi që po paguan haraçin e padurueshëm
të luftës. Para vitit 2003, vit i ndërhyrjes anglo-amerikane – pohojnë ipeshkvijtë
- në vend numroheshin 800 mijë të krishterë. Pastaj mërgimi i detyruar, i nxitur nga
kushtet e vështira të jetës e nga dhuna antikristiane, e përgjysmoi numrin. E të krishterët
e vendeve të Gjirit kanë gjithnjë më shumë frikë se bota e ka harruar këtë tragjedi!