Пасланьне Папы Бэнэдыкта 16 на 43-ці Сусьветны Дзень Сродкаў Масавай Інфармацыі
“Новыя тэхналогіі, новыя адносіны. Павышаньне культуры пашаны, дыялогу і
прыязьні”. Так гучыць пасланьне на 43-ці Сусьветны Дзень Сродкаў Масавай Інфармацыі,
якое было прадстаўленае ў Ватыкане для журналістаў у пятніцу 23-га студзеня. Сёлетняе
пасланьне ёсьць накіраванае перад усім да маладых людзей. Папа Бэнэдыкт 16 збвяртае
ўвагу, што лічбовыя тэхналогіі ўзносяць асноўныя зьмены ў міжчалавечыя адносіны.
Гэта бачна асабліва ў маладым пакаленьні, якое расьце ў шчыльных адносінах з гэтымі
новымі тэхналогіямі. Моладзь адчувае сябе “як у дома” ў лічбавым сьвеце. Часта за
тое здаецца, што гэтыя тэхналогіі для старэйшых асоб ёсьць чужымі, якія мусяць вывучаць
іх ды дацэньваць магчымасьці, якія даюць. Падзяляючыся роздумамі з маладым пакаленьнем
Папа падкрэсьлівае, што гэтыя тэхналогіі маюць спрыяць зразуменьню і салідарнасьці
паміж людзьмі. Трэба зрабіць ўсё, каб выплываючыя з іх карысьці служылі ўсім людзям
і супольнасьцям, асабліва найслабейшым і найбольш патрабуючым. Яны даюць нечуваную
дагэтуль магчымасьць мець адносіны з цэлым сьветам, што адказвае найглыбейшым жаданьням
чалавека і пакліканьню чалавека Богам да адзінства з іншымі. Прыпамінаючы прыказаньне
любові Бога і бліжняга Сьвяцейшы Айцец заахвочвае, каб пры карыстаньні з лічбовай
камунікацыі павышаць культуру пашаны, дыялогу і прыязьні. Яны маюць служыць таксама
дыялогу паміж культурамі і рэлігіямі. Гэты дыялог мусіць прытрымлівацца праўды- падкрэсьліў
Бэнэдыкт 16 ў сваім пасланьні.