На афіцыйным сайце Беларускай праваслаўнай царквы ў адкрытым доступе разьмешчаныя
ўсе інтэрвію мітрапаліта Менскага й Слуцкага Філарэта за апошнія 20 гадоў, перадае
Інтэрфакс. Зборнік быў падрыхтаваны й выдадзены да 1020-годзьдзя Хросту Русі й да
30-годзьдзя архіпастырскага служэньня мітрапаліта Філарэта ў Беларусі. Усе інтэрвію
зьмешчаныя без скаротаў і цэнзуры, што дазваляе прасачыць пазыцыю кіраўніка БПЦ па
пытаньнях царкоўнага й сьвецкага жыцьця цягам двух дзесяцігодзьдзяў. Зборнік мае некалькі
разьдзелаў: „Царква й палітыка”, „Узаемадзеяньні зь дзяржаваю”, „Прынцыпы адносінаў
да іншых веравызнаньняў”, „Эканоміка й маральнасьць”, Царква й спорт”. Таксама
на сайце Беларускай правасланай царквы ў адкрытым доступе зьявілася кніга мітрапаліта
Філарэта „Чалавек у гісторыі”. У кнізе зроблена спроба сабраць у адно асабісты й царкоўны
досьвед навукі аб чалавеку як вяршыні стварэньня.