Bomba lotsjellëse kundër nunciaturës apostolike të Karakasit.

(22.01.2009 RV)Çaste tensioni sot në nunciaturën apostolike të Karakasit, në Venezuelë. Disa bomba u hodhën kundër selisë diplomatike, fatmirësisht pa shkaktuar asnjë dëm. Gjest vandal, që u krye nga një grup filoqeveritar, në një vend ku atmosfera e dhunës po bëhet gjithnjë më shqetësuese. Para nunciaturës u hodhën edhe trakte, që e akuzojnë Kishën si tradhtare të luftërave të vërteta të popullit venezuelan. Duhet kujtuar se klima politike në vendin jugamerikan është e nderë, posaçërisht për shkak të referendumit të 15 shkurtit, që duhet të pranojë ose të refuzojë rizgjedhjen pa kufizime kohore, të presidentit Hugo Çavez.