Պենետիկտոս ԺԶ Քահանայապետը յառաջիկայ մարտ ամսոյն պաշտօնական այցելութիւն պիտի կատարէ
Հռոմի քաղաքապետարանը։ Այցելութեան ընթացքին յատուկ նիստ մը պիտի կատարուի ՜՜Հռոմ քայաքը
եւ կաթողիկէութիւնը՝՝ նիւթին մասին։
Պենետիկտոս ԺԶ Սրբազան Քահանայապետը 9 մարտ 2009-ին պիտի այցելէ Հռոմի քաղաքապետարանը
եւ այս առթիւ ճառ մը պիտի արտասանէ քաղաքապետարանի խորուրդի յատուկ մէկ նիստին առջեւ։
Նիստին նիւթն է ՜՜Հռոմի Տիեզերական արժէքը. կաթողիկէութեան մայրաքաղաք ու անոր արժէքները՝՝
այսպէս կը հաղորդագրէ Ս. Աթոռի մամլոյ գրասենեակը։
Վերջերս Հռոմի քաղաքապետը`
տիար Ճիաննի Ալէմաննօ Սրբազան Քահանայապետին այցելութիւն տուած էր Ս. Ծննդեան եւ Ամանորի
բարեմաղթութիւնները յայտնելու անոր։ Այդ առթիւ, քաղաքապետը պաշտօնապէս հրաւիրած է Սրբազան
Հայրը այցելելու Հոռմի քաղաքապետարանը եւ խօսք առնելու քաղաքապետարանի խորհուրդի յատուկ
նիստին առջեւ։
Յայտնենք թէ երջանկայիշատակ Յովհաննէս Պօղոս Բ Քահանայապետը եղաւ
առաջին Հռոմի Պապը որ մասնակցեցաւ Հռոմի քաղաքապետարանի խորհուրդի մէկ նիստին, 1998ի
15 յունուարին։ Այդ առթիւ Հռոմի Պապը խօսքը ուղղելով հռոմէացիներուն ‘’ինքզինքս տունս
կը զգամ’’ըսած էր: