У Інтэрнэце зьявіцца тэлерадыёканал Апостальскай Сталіцы
Апостальская Сталіца адкрывае ў Інтэрнэце свой тэлерадыёканал. Трансляцыя на ім распачнецца
ўжо праз тыдзень пры падтрымцы вядомай кампаніі Google. На гэтым тыдні ў пятніцу
пра дэталі праекта паінфармуе падчас прэс-канферэнцыі старшыня Папскай рады па сродках
масавай камунікацыі арцыбіскуп Клаўдыё Марыя Чэллі і дырэктар сумесных медыяпраектаў
з Google Энрыке дэ Кастро. З крыніцаў Апостальскай Сталіцы стала вядома,
што праз Інтэрнэт будуць транслявацца аўдыя- і выдэазапісы выступленняў Святога Айца
Бэнэдыкта XVI, падрыхтаваныя да эфіру Ватыканскім радыё і тэлебачаннем. Уласны
Інтэрнэт-партал быў створаны Ватыканам яшчэ ў 1995 г. Сайт быў запушчаны ў сетку трыма
серверамі, якія, відавочна, улічваючы спецыфіку праекта, назвалі імёнамі арханёлаў:
Міхала, Габрыэля і Рафаэля. Ватыканскае радыё і друкаванае выданне Апостальскай
Сталіцы газета L'Osservatore Romano таксама маюць уласныя Інтэрнэт-сайты.