Հայ քրիստոնեայ մը կը սպաննուի Մուսուլին մէջ, Հիւսիսային Իաքին մէջ վախը դարձեալ կը
համակէ քրիստոնեայ փոքրաթիւ հասարակութեան վրայ, ։
Մուսուլի մէջ գտնուած է Շողիկ Բագրատ անունով՝ 36-ամեայ հայու մը մարմինը, հաղորդած է
ԱսիաՆիւզ կաթողիկէ լրատու գործակալութիւնը։ Ան բազմաթիւ փամբուշտներ ստացած է իր գլուխը։
Գաղտիացիներու արքեպիսկոպոս գերապայծառ Լուի Սաքօ մամուլին յայտարարած է թէ Շողիկ Բագրատ
ենթակայ եղած է ձախորդ արեւանգումի, սակայն զոհը ինքզինք պաշտպանած է եւ ոճրագործերը
զինք սպաննած են։ Հանգուցեալը կ՛աշխատէր տպարանի մը մէջ։ Անոր մարմինը գտնուեցաւ Ալ Պաքր
կոչուած արեւելեան Մուսուլի թաղամասին մէջ։ Գերապայծառ Լուի Սաքօ մամուլին յայտնած է
թէ Ամանորին՝ նման դէպք մը պատահած է, եւ արեւանգողները 50 հազար տոլար ստանալով՝ ազատ
արձակած են բանտարկեալը։ Դժբախտաբար քրիստոնեայ հասրակութիւնը թիրախ է ոճրագործերու,
որովհետեւ քրիստոնեան ոխակալ չէ։ Գաղտիացի եպիսկոպոսը իր այս ելոյթին ընթացքին յայտնած
է թէ յառաջիկայ մայիս 12ին Էրպիլի մէջ տեղի պիտի ունենայ Գաղտիացի եպիսկոպոսներու սիւնոդոսը։