Պենետիկտոս ԺԶ Սրբազան Քահանայապետին գործունէութիւնը

Հինգշաբթի 15 Յունուար 2009, Պենետիկտոս ԺԶ Սրբազան Քահանայապետը ընդունեց Վատիկանի անվտանգութեան պատասխանատուները,

Ապա նորին սրբութիւնը ընդունեց Իրանի եպիսկոպոսական համահաւաք դասի եպիսկոպոսները` եկած կատարելու իրենց հնգամեայ այցը Ս. Պետրոսի յաջորդին։

Իրանի եպիսկոպոսներու շարքին. այսօրուան ունկնդրութեան ներկայ եղաւ նաեւ՝ արհի. Նշան արք. Քարաքէհէյեան` առաջնորդը Թեհրանի հայ կաթողիկէ համայնքին։

Ուրբաթ 23 Յունուարին Մակեդոնիայի նախագահը այցելութիւն պիտի կատարէ Պենետիկտոս ԺԶ Սրբզ. քահանայապետին։ Ասիկա պիտի հանդիսանայ Մակետոնիայի ներկայ նախագահի չորրորդ այցելութիւնը Վատիկան։

Առաքելական նոր դեսպաններու նշանակում Հոնտուրաս եւ Բանամա հանրապետութիւններու մօտ։

Պենետիկտոս ԺԶ Քահանայապետը նշանակեց գերապայծառ Պիանքոն՝ որպէս առաքելական դեսպան Հոնտուրասի մօտ։ Ան կը յաջորդէ գերապայծառ Արգարիի, որ իր կարգին Մոզամպիքի մօտ առաքելական դեսպան նշանակուեցաւ անցեալ 12 դեկտեմբերին։

Նոյնպէս Նորին Սրբութիւնը գերապայծառ Անտրէ Գոզոն առաքելական դեսպան նշանակեց Բանամայի մօտ։ Ան կը յաջորդէ գերապայծառ Տիքուադրոյի, որ իր կարգին Պոլիվիայի մօտ առաքելական դեսպան նշանակուած էր անցեալ 21 նոյեմբեր 2008-ին։